Мбаппе Флорентино Пересга ультиматум қўйди

Ҳужумчи Килиан Мбаппе «Реал»ни тарк этиши мумкин. Бу ҳақда журналист Жуан Жузес хабар берди.

Манбага кўра, агар француз футболчисининг атрофидагилари шартномани узайтириш бўйича музокараларни кечиктираётган бўлса, бунинг сабаби аниқ: ҳужумчи ҳозирда Мадрид клубининг лойиҳаси инқирозда, деб ҳисобламоқда.

Мбаппе «Реал» билан шартнома имзолаётганида тарихдаги энг талабчан клубга қўшилаётганини ўйлаган. Бироқ якунда у шокка тушган: Килиан жамоа ичида интизом ва қаттиққўллик етишмаётганини кўрмоқда. Унинг фикрича, бундай ҳолатни ҳатто «ПСЖ»да ҳам учратмаган.

Мбаппе мағлубиятларга бефарқ муносабатда бўлаётган бир нечта жамоадошларининг хатти-ҳаракатларидан норози.

Ҳужумчи «Реал» президенти Флорентино Пересдан таркибни жиддий равишда янгилаш ва қаттиқ жазо чораларини жорий этишни талаб қилмоқда.

Агар бу амалга ошмаса, Мбаппе узоқ муддатли шартномани имзоламаслиги мумкин.