Судан элчиси: "Ғарбий Африкада аскарларнинг қирғин қилиниши энг фожиали воқеалардан биридир"

1944 йилда Франция ҳукумати томонидан Ғарбий Африкада аскарларнинг қирғин қилиниши минтақа давлатлари учун энг фожиали воқеалардан бири бўлиб қолмоқда.

Бу ҳақда Жанубий Суданнинг Туркиядаги элчиси Мажок Гуандонг Франция президенти Эммануэль Макроннинг Сенегал ҳукуматига йўллаган сўнгги мактубига изоҳ берар экан, маълум қилди.

Элчининг таъкидлашича, Парижнинг ушбу қирғинни тан олиши нафақат Франция ва унинг Ғарбий Африкадаги собиқ мустамлакалари, балки қитъанинг бошқа давлатлари билан ҳам мулоқот қилиш истиқболларини очади.

Эслатиб ўтамиз, 1944 йил 1 декабрда Иккинчи жаҳон уруши даврида Франция армияси сафида жанг қилган 35 дан 400 нафаргача ғарбий африкалик аскар француз қўшинлари томонидан отиб ташланган эди. Бунинг сабаби маошларни тўламаслик туфайли юзага келган қўзғолон эди.