Тожикистоннинг “Somon Air” авиакомпанияси Душанбе – Тошкент – Душанбе йўналиши бўйича парвозлар частотасини оширмоқда.
Авваллари йўловчи қатновлари ҳафтасига икки марта – душанба ва жума кунлари амалга оширилар эди. 2024 йил 24 январдан бошлаб авиаташувчи учинчи қатновни жорий қилиб, чоршанба кунлари Боэинг 737-800 самолётида қўшимча рейсни амалга оширишни режалаштирмоқда.
“Somon Air” - бош қароргоҳи Душанбеда жойлашган Тожикистон авиакомпанияси бўлиб, ички ва халқаро йўналишларда мунтазам йўловчи ташувларини амалга оширишга ихтисослашган.
