Сирдарёда қарздорлик эвазига ғишт заводи хатланди

Юртимизда тадбиркорликни қўллаб-қувватлаш мақсадида банклар томонидан имтиёзли кредитлар тақдим этиб келинмоқда.

Бироқ берилган имкониятдан оқилона фойдаланмай, ўз вақтида кредит пуллари сўндирмаслик ҳолатлари ҳам учраб турибди.

Мисол учун, Гулистон туманлараро иқтисодий судининг 11.11.2024 йилдаги ижро варақасига асосан қарздорлар “М.Қ.Сирдарё” МЧЖдан ундирувчи АТ “Микрокредитбанк” фойдасига 1 млрд. 744 млн. сўм кредит қарзини ундириш тўғрисидаги ижро ҳужжати бўйича Мажбурий ижро бюросининг Сирдарё вилоят бошқармаси Алоҳида муҳим ижро ишларини ижро этиш шўъбаси томонидан ижро ҳаракатлари олиб борилган.

Ихтиёрий муддатда қарздорлик тўланмаганлиги сабабли, мажбурий ижро ҳаракатларига киришилиб, қарздорга тегишли, Сайхунобод тумани, Пахтакор маҳалласида жойлашган, баҳоси 2 млрд. 950 млн. сўм бўлган ғишт заводи хатланган ва аукцион савдосига чиқарилган.

Натижада, қарздор томонидан 1 млрд. 744 млн. сўм кредит қарзи ҳамда қарздорлик сабаб юзага келган 34,9 млн. сўм ижро йиғими маблағи тўлиқ тўлаб берилган.