Шомуродов Туркия Суперлигасида тўпурарлар жадвали пешқадамига етиб олди

Туркия чемпионати 11-тур ўйинида "Истанбул Башакшеҳир" ўз майдонида "Хўжайлиспор"ни 1:0 ҳисобида мағлуб этди.

Истанбул клуби сафида ўйиндаги ягона голни ҳамюртимиз Элдор Шомуродов пенальтидан киритди.

Бу голи орқали 30 ёшли Шомуродов чемпионатдаги голлари сонини 7 тага етказиб олди ва тўпурарлар рўйхатида "Трабзонспор" ҳужумчиси Пол Онуачу билан етакчиликни бўлишиб турибди.

Юсуф Эн-Несири ("Фенербахче") ва Мауро Икарди ("Галатасарой") ҳисобида 6 тадан гол бор.