Шимолий Корея ядро қуроли салоҳиятини кескин оширмоқда

Мамлакат ядро қуролини ишлаб чиқариш имкониятларини сезиларли даражада оширди, деб баёнот берди МАГАТЭ раҳбари Рафаэль Гросси.

Сеулдаги чиқишида БМТ ядровий назорат органи раҳбари Ёнбёндаги ядро мажмуасининг беш мегаваттли реактори, ядро ёқилғисини қайта ишлаш қурилмаси, енгил сув реактори ва бошқа объектларида фаоллик тез суръатда ўсаётганини тасдиқлади.

Шимолий Кореянинг ядровий дастурида бир неча ўнлаб жанговар каллаклар борлиги тахмин қилинмоқда, деди Гросси матбуот анжуманида, енгил сувли реакторнинг ишлаши ва Ёнгбондан ташқари бошқа объектларнинг ишга туширилиши каби фаоллик белгиларига ишора қилиб.

"Уларнинг барчаси КХДРнинг ядро қуроли ишлаб чиқариш соҳасидаги имкониятларини жуда жиддий оширишини кўрсатади," - деди Гросси.

Рафаэль Гроссининг сўзларига кўра, Ёнбёндаги уранни бойитиш цехларига ўхшаш янги объект қурилиши кузатилган ва ташқи хусусиятлар таҳлили бойитиш қувватларининг сезиларли даражада кенгайганини кўрсатган.

"Ядро қуролига ўтиш ҳеч қачон ҳеч бир мамлакатнинг хавфсизлигини оширмайди, - деди Гросси, - аксинча, унинг тарқалишига сабаб бўлиши мумкин."