ШҲТ Бош котиби аъзо давлатларнинг турмуш даражасини ошириш истагини билдирди

Шанхай Ҳамкорлик Ташкилотига аъзо давлатлар турмуш даражасини ошириш бўйича ҳамкорликни чуқурлаштирмоқда, деди ташкилот бош котиби Чжан Мин.

“ШҲТга аъзо давлатлар умумий тушунчага эга ва инсонга йўналтирилган ривожланиш фалсафасини тарғиб қилади, ШҲТ маконида одамлар фаровонлиги ва турмуш даражасини ошириш бўйича ҳамкорликни чуқурлаштиради”, — дея унинг сўзларидан иқтибос келтиради РИА Новости.

Мин ШҲТ форуми ШҲТга аъзо мамлакатларнинг қашшоқликка қарши курашдаги ютуқларини тушунишга ёрдам беришига ишонч билдирди.