Сербияда муддатидан илгари парламент сайловлари ўтмоқда. Сўровномаларга кўра, Вучич партияси ва мухолифат ўртасидаги фарқ жуда оз.
56 ёшли Александар Вучич сўнгги 14 йилдан бери мамлакат курсини белгилаб келмоқда, бироқ танқидчилар уни коррупция ва уюшган жиноятчилик билан алоқадорликда айбламоқда. Сентябрь ойи охирида у ўз партияси ғалаба қозонган тақдирда бош вазир бўлиш учун президентлик лавозимидан истеъфога чиқди.
Бироқ, 2024 йил ноябрь ойида Нови-Саддаги темирйўл вокзалида бетон соябон қулаб тушиши ва оқибатда 16 киши halok бўлиши ортидан мамлакатда икки йилдан бери оммавий норозилик намойишлари давом этмоқда. «Талабалар рўйхати — талабалар ғалаба қозонади» ҳаракати томонидан тақдим этилган мухолифат амалдаги режимга чек қўйишга чақирмоқда. Сўровномаларга кўра, ушбу ҳаракат овозларнинг тахминан 40 фоизини олиши мумкин.
«Бу Александар Вучич 2012 йилда ҳокимиятга келганидан бери ҳақиқатан ҳам рақобатбардош ва якуни ноаниқ бўлган биринчи сайловдир», — дейди политолог Душан Спасоевич DW нашрига.
Политологнинг фикрича, воқеалар rivoji учун энг яхши вариант икки рақобатчи лагердан бирининг ишончли ғалабаси бўлар эди. Aks ҳолда Сербияни «сайловдан кейинги инқироз» кутмоқда.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Дунёдаги энг йирик йўловчи самолёти Москвага қўна олмаяпти — ОАВ
Ўзбекистон Самарқанд ҳақидаги баёнотлар сабаб Эронга норозилик нотаси топширди
