Сербия Мудофаа вазирлиги НАТО давлатлари билан ҳамкорликдаги машғулотлар ҳақида маълум қилди

Сербия ўз тарихида илк бор НАТО билан ҳамкорликда ҳарбий машғулотлар ўтказмоқда.

Бу ҳақда мамлакат Мудофаа вазирлиги маълум қилди.

Аниқлик киритилишича, маневрларда Сербия, Италия, Руминия ва Туркиядан 600 га яқин ҳарбий хизматчи иштирок этмоқда. Машғулотлар жараёнини АҚШ, Буюк Британия ва Франциядан келган кузатувчилар кузатиб бормоқда.

Машғулотлар Сербия жанубидаги Буяновац шаҳри яқинида бўлиб ўтмоқда. Тактик характерга эга бўлган ушбу машқлар 23 майга қадар давом этади. Уларнинг асосий мақсади — ўзаро тажриба алмашишдан иборат.