Verivox портали буюртмасига асосан ўтказилган сўровномада иштирок этганларнинг 48 фоизи шундай фикр билдирган. Натижаларга кўра, немисларнинг 29 фоизи бензин нархи қимматлиги сабабли машинадан велосипедга, 24 фоизи эса жамоат транспортига ўтган.
Респондентларнинг учдан икки қисми (67%) энергия нархлари кўтарилгани боис уни тежашга кўпроқ эътибор қарата бошлаганини айтган. Энг кўп тарқалган чора — ишлатилмаётган электр жиҳозларини кутиш режимида қолдирмай, бутунлай ўчириб қўйишдир. Сўровда қатнашганларнинг 55 фоизи иситиш тизимини пасайтирганини, 47 фоизи эса иссиқ сувни тежаётганини маълум қилган.
Шу билан бирга, 27 фоиз иштирокчи энергияни тежамаётганини билдирган. Бунинг асосий сабаби сифатида улар аввал ҳам тежамкор яшаганликлари ва эндиликда қўшимча қисқартиришлар учун имконият кўрмаётганликларини кўрсатишган.
Германия автомобил клуби (ADAC) маълумотларига кўра, 7 май куни бензин ва дизел ёқилғиси нархлари март ойи бошидан бери энг паст даражага тушган. Хусусан, бир литр E10 бензинининг ўртача нархи 1,984 еврони, дизел эса 2,025 еврони ташкил этди. Бунга жаҳон бозорида нефт нархи пасайгани ҳамда Германия ҳукумати томонидан май ойи бошида фуқаролар учун жорий этилган "ёқилғи чегирмаси" сабаб бўлган.
Москвадаги барча аэропортлар фаолиятини тўхтатди
Россия Москвадаги парадга борадиган етакчилар рўйхатини эълон қилди
Президентнинг хотинига ҳукм чиқарган судъя ўлик ҳолда топилди
