Ўзбекистон терма жамоасининг ЖЧ олдиданги режалари маълум бўлди

Ўзбекистон миллий терма жамоасининг Жаҳон чемпионати олдиданги тайёргарлик режаси маълум қилинди.

Терма жамоа 5–25 май кунлари Тошкентда ўқув-машғулот йиғини ўтказади ҳамда маҳаллий жамоаларга қарши ўртоқлик учрашувларида иштирок этади.

26 май куни вакилларимиз Тошкентдан Нью-Йоркка йўл олади. 27–29 май саналарида АҚШда машғулотлар ташкил этилади.

1 июнь куни Ўзбекистон терма жамоаси Канадага қарши майдонга тушади. Учрашув Эдмонтондаги “Commonwealth” стадионида бўлиб ўтади.

8 июнь куни эса жамоамиз Нью-Йоркда Нидерландия билан ўртоқлик учрашувида қатнашади.

10 июндан бошлаб терма жамоа Атлантада жойлашган Жаҳон чемпионати базасида фаолиятини давом эттиради.

Шунингдек, жамоамизнинг Жаҳон чемпионатидаги илк учрашувлари тақвими ҳам маълум:

— 17 июнь: Ўзбекистон — Колумбия
— 23 июнь: Португалия — Ўзбекистон
— 27 июнь: Конго ДР — Ўзбекистон