Моуриньо – “Реал” бош мураббийи...

Мадриднинг “Реал” клуби португалиялик мутахассис Жозе Моуриньони бош мураббий этиб тайинлаш бўйича келишувга эришди.

Бу ҳақда инсайдер Саша Тавольери ижтимоий тармоқларда маълум қилди.

Манбага кўра, томонлар ўртасидаги келишув тўлиқ якунланган ва расмий эълон келаси ҳафтада амалга оширилади.

Эслатиб ўтамиз, Жозе Моуринью аввал ҳам “Реал”ни 2010–2013 йиллар оралиғида бошқарган.

У мадридликлар билан Испания чемпионати, мамлакат кубоги ва Суперкубогини қўлга киритган.

Ҳозирда мутахассис Лиссабоннинг “Бенфика” клубида ишламоқда. ОАВ хабарига кўра, Португалия клуби Моуриньони “Реал”га қўйиб юборишга розилик берган.