«Sea Breeze» лойиҳаси бўйича атроф-муҳитга таъсирни баҳолашнинг биринчи ва иккинчи босқичлари якунланиб, давлат экологик экспертизасининг тегишли хулосалари олинган.
Биринчи босқичда лойиҳанинг ҳаво, сув ва ер ресурслари, яшил ҳудудлар, биологик хилма-хиллик, чиқиндилар ҳамда муҳандислик инфратузилмасига эҳтимолий таъсири баҳоланган. Экологик хатарларни камайтириш чоралари ва жамоатчилик таклифлари ҳам кўриб чиқилган.
Иккинчи босқичда таъсир кўлами, табиатни муҳофаза қилиш ва компенсация чоралари, муҳандислик ечимлари, чиқиндилар билан ишлаш, сувдан фойдаланиш ҳамда кўкаламзорлаштириш бўйича талаблар аниқлаштирилган.
Қурилиш якунлангач, объектни фойдаланишга топширишдан олдин якуний экологик баҳолаш ўтказилади. Унда белгиланган табиатни муҳофаза қилиш чораларининг бажарилгани ва объектнинг экологик талабларга мувофиқлиги текширилади.
Лойиҳа жамоатчилик экологик назорати остида ҳам амалга оширилмоқда. Бугунги кунга қадар ўтказилган кузатувларда экологик талаблар бузилганини кўрсатувчи ҳолатлар аниқланмаган. Мониторинг кейинги босқичларда ҳам давом эттирилади.
Нега Исроил Ўзбекистонга қизиқиб қолди?
Раъно Шодиева учун оғир жудолик
Россия УҚКнинг Дронлар қўшинлари қўмондони Роберт "Мадьяр" Бровди учун 20 миллион доллар мукофот ваъда қилди
