Маккада Назирул Ислом Абдул Басир ва Сити Ахтар исмли икки Бангладеш фуқароси масжидда «ахлоқсиз ҳаракат» содир этганликда айбланиб, ўлим жазосига ҳукм қилинган.
Саудия Ички ишлар вазирлиги маълум қилишича, суд уларни айбдор деб топиб, таъзир асосида ўлим жазосини тайинлаган.
Ҳукм 14 октябрь куни Макка минтақасида ижро этилган. Саудия томони жазога масжид дахлсизлиги, шунингдек, воқеа содир бўлган вақт ва жойнинг мақоми билан боғлиқ ҳолатларни асос қилиб келтирган.
Бироқ Саудия расмий баёнотида икки фуқаронинг айнан қандай ҳаракат содир этгани, воқеа қайси масжидда юз бергани ва улар қачон қўлга олингани очиқланмаган.
Бангладешнинг Жиддадаги Бош консуллиги эса қатллар ҳақида олдиндан хабардор қилинмаганини билдириб, Саудия ташқи ишлар идорасидан расмий маълумот ва иш тафсилотларини сўраган.
Ўзбекистондан учган иккита самолёт ва яна 370 дан ортиқ бошқа рейслар дрон таҳдидлари туфайли Москвага қўна олмади
Рус қўшинлари Киевга олиб борадиган яхши асфальт йўлдан юрганида...
Шоҳжаҳон Эргашевнинг Тошкентдаги жанги жанжал билан ниҳоясига етди
