Саудия жамоаси МЮГа керак бўлмаган футболчига 90 миллион бермоқчи

«Марсель» футболчиси Мейсон Гринвуд фаолиятини Саудия Арабистонида давом эттирмоқчи.

Саудияликлар ҳужумчининг трансфери учун 90 миллион евро ажратишга тайёр.

Гринвуд ўтган йили МЮдан Францияга кўчиб ўтганди. Англиялик футболчи жорий мавсум 30 та учрашувда майдонга тушди. Унинг ҳисобида 17 та гол ва 4 та голли узатма бор.

Агар ушбу трансфер амалга ошса, МЮ ҳам яхшигина даромад қилади. Сабаби «қизил иблислар» шартномага кўра Гринвуднинг навбатдаги трансферининг 50 фоиз пулини қўлга киритиши белгилаб қўйилган.