Ямандаги қуролли можаронинг кескинлашуви Саудия Арабистонида хавфсизлик билан боғлиқ вазиятни оғирлаштирмоқда. Ҳусийларнинг ракетали ҳужумлари оқибатида мамлакатда тинч аҳоли қурбон бўлмоқда, транспорт қатновлари издан чиқмоқда. Бу ҳақда Bloomberg хабар бермоқда.
Нашрга кўра, ҳужумлар ортидан айрим аэропортлар фаолияти чекланган, АҚШ дипломатик ходимларининг бир қисми мамлакатдан олиб чиқилмоқда. Хавфсизлик билан боғлиқ хавотирлар бадавлат аҳоли ва хорижлик зиёратчиларнинг режаларига ҳам таъсир кўрсатмоқда.
Сўнгги ҳужумлар давомида Яман ҳудудидан Саудия Арабистони томон ўндан ортиқ баллистик ракета учирилгани хабар қилинди.
Ўз навбатида, Саудия Арабистони ҳарбий кучлари Яманнинг ҳусийлар назоратидаги ҳудудларига, жумладан, Сано атрофига ҳаво зарбаларини давом эттирмоқда.
Нефть бойликлари ҳисобига минтақада катта иқтисодий таъсирга эга бўлган қироллик учун можаронинг чўзилиши хавфсизликдан ташқари, туризм ва иқтисодий ривожланиш соҳаларида ҳам жиддий қийинчиликлар туғдирмоқда.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Ўзбекистон Самарқанд ҳақидаги баёнотлар сабаб Эронга норозилик нотаси топширди
Дунёдаги энг йирик йўловчи самолёти Москвага қўна олмаяпти — ОАВ
