Роналду Рунининг «Месси ундан яхши» деган сўзларига жавоб берди

"Ан-Наср" ҳужумчиси Криштиану Роналду Уэйн Рунининг Лионель Месси унинг ўзидан яхши деган фикрига муносабат билдирди.

– Руни сендан нафратланмаслигини айтди, лекин барибир Месси сендан яхши, деб ҳисоблашини таъкидлади.
– Муаммо йўқ, лекин мен бу фикрга қўшилмайман. Камтар бўлиб ўтирмайман, – деди «Ан-Наср» ва Португалия терма жамоаси форварди Пирс Морган билан суҳбат тизерида.

Аввалроқ журналист ва телебошловчи Пирс Морган Роналду билан «энг шахсий ва очиқ суҳбат» бўлишини айтган эди. Бугун интервьюнинг тизери тақдим этилди, унинг биринчи қисми эса эртага чиқади.