Рубио: "Келишувга эришилса ҳам Эрон учун санкцияларни бекор қилиш ёки бошқа нарсалар кўринишида ҳеч қандай бонуслар бўлмайди"

Агар келишув имзоланса, АҚШ санкцияларни бекор қилмайди ёки Эроннинг хориждаги активларини музлатишни бекор қилмайди.

Бу ҳақда АҚШ Давлат котиби Марко Рубио АҚШ Сенатининг Ташқи алоқалар қўмитасининг тингловида маълум қилди.

"Ҳамма нарса шартларга боғлиқ бўлади. Бу ҳеч қандай имзо бонуси ёки хайрихоҳлик жести бўлмаслигини англатади. Албатта, агар бу маблағлар прокси кучларни молиялаштириш учун ишлатилса, улар қайтарилмайди", деди у.

Шу билан бирга, Рубионинг сўзларига кўра, АҚШ санкцияларининг бекор қилиниши мумкинлиги контекстида Теҳроннинг ядровий дастури билан бевосита боғлиқ бўлган аниқ чекловлар муҳокама қилинмоқда.