Россия Украинага ҳарбий асирларни «1000 га 1000» формуласи бўйича алмашиш учун рўйхатни топширди. Бу ҳақда Украина президенти Владимир Зеленский маълум қилди.
«Асирликдан 1000 нафар одамимизни озод қилиш бўйича келишув — Туркияда бўлиб ўтган учрашувнинг деярли ягона реал натижаси бўлди. Бу натижани амалга ошириш учун иш олиб бормоқдамиз», — дейилади Зеленскийнинг постида.
Орадан кўп ўтмай, Россия Федерацияси президентининг матбуот котиби Дмитрий Песков бу маълумотни тасдиқлади.
«Ҳа, биз рўйхатимизни топширдик. Ҳозирча Киевдан жавоб рўйхатини олганимиз йўқ. Кутяпмиз», — деди у 22-май куни кундузи ўтказилган брифингда.
Шундан сўнг, Украина Ҳарбий асирлар билан муомала бўйича мувофиқлаштирувчи штаб раҳбари ўринбосари Андрей Юсов «РБК-Украина»га берган интервюсида Киев ўз рўйхатини тайёрлаб, Россия томонига топширганини айтди.
«Украина алмашинув учун рўйхатни топширди», — деди у.
«1000 га 1000» формуласи бўйича асирларни алмашиш бўйича келишув 16-май куни Истанбулда бўлиб ўтган музокараларда Москва ва Киев ўртасида эришилган.
Россия Давлат Думасининг «ҳарбий операция» бўйича парламент мувофиқлаштирувчи гуруҳи вакили, депутат Шамсаил Саралиев «РБК»га берган изоҳида, бу миқдордаги асирларни бир кунда алмашиш техник жиҳатдан қийинлиги сабабли, жараён бир неча кунга бўлинишини айтди.
Чечен қўмондонидан тўғридан-тўғри таҳдид: “Русларни ўлдириш учун келган хорижликлар йўқ қилинади!”
Россияда якун ясалди: СССР йўқ бўлди
Лавров "Бундай сўзларни айтиш учун сурбет одам бўлиш керак”
