Марказий разведка бошқармаси (МРБ) директори Жон Рэтклифф Америка етакчиси Дональд Трампга Россиянинг Украинага зарбалар беришда кимёвий қурол қўллагани ҳақидаги мавжуд маълумотларни тақдим этишга тайёрлигини айтди. Бу ҳақда Рэтклифф Оқ уйда президентлар кабинетининг йиғилишида маълум қилган. "Албатта, агар кимёвий қурол қўллангани ҳужжатлаштирилган бўлса, демак, бу ноқонуний ҳисобланади ва қуролли тўқнашувлар ва келишувларнинг барча халқаро қоидаларини бузади. Ва, шубҳасиз, мен сизга шахсий равишда тақдим этишим мумкин бўлган разведка маълумотларини бу ерда тақдим эта олмайман", — деди Марказий разведка бошқармаси директори Трампга мурожаат қилиб. Лекин сиз, албатта, тоқат қилмайсиз ва ҳеч кимнинг халқаро ҳуқуқ меъёрларини бузишига йўл қўймайсиз”, деди. "Бу ҳақиқат", деб жавоб берди Трамп. Эслатиб ўтамиз, 26 июнь куни Кимёвий қуролларни тақиқлаш ташкилоти Украина ҳудудига учинчи техник миссияси ҳақидаги ҳисоботида Украинадаги жанговар зонада тўпланган намуналарда хлорбензалмалонодинитрил заҳарли моддаси топилгани ҳақида маълум қилган эди. Мутахассислар хулосасига кўра, тақдим этилган барча намуналарда кўздан ёш оқизувчи газ излари бор бўлиб, Кимёвий қуроллар бўйича конвенцияга кўра, ҳарбий мақсадларда фойдаланиш мумкин эмас.
Дилшод Тўрахўжаев иши: Россия Ўзбекистонга нота йўллади
Машҳур блогер Абдурозиқ Дубай аэропортида ҳибсга олинди
Cobalt нархи Россияда қанча?
