Россия МСК: Сайлов бюллетенларининг 26,10 фоизини қайта кўриб чиқилганидан сўнг, Путин 87,86 фоиз овоз билан етакчилик қилмоқда.
Марказий сайлов комиссиясига кўра, Николай Харитонов 3,86 фоиз, Владислав Даванков 3,76 фоиз, Леонид Слуцкий 2,97 фоиз овоз олган.
Аввалроқ Россия давлат социологик хизмати (ВЦИОМ) exit-poll натижаларини эълон қилган эди, унга кўра Владимир Путин 87% овоз тўплаган. Иккинчи ўринда коммунист Николай Харитонов (4,6 фоиз), учинчи ўринда Владислав Даванков (4,2 фоиз) ва тўртинчи ўринда Леонид Слуцкий (3,0 фоиз) қайд этилган.
ФОМ exit-poll маълумотларига кўра эса, сайловчиларнинг 87,8 фоизи Путинга, 4,7 фоизи Харитоновга, 3,6 фоизи Даванковга ва 2,5 фоизи Слуцкийга овоз берган. Яна 1,4% бюллетенлар яроқсиз ҳолатда деб белгиланган.
Бунгача бир қатор ОАВ ва Телеграм каналлари Россия бўйлаб сайлов участкаларининг якуний баённомаларни эълон қилган. Уларнинг деярли барчасида Путиндан кейин иккинчи ўринни Владислав Даванков эгаллаган ва унинг кўрсаткичлари 4 фоиздан 20 фоизгача эканлиги хабар берилган.
