"Биз Грузия раҳбарияти дипломатик муносабатларни тиклашни Абхазия ва Жанубий Осетия бўйича позициямиз билан боғлашда давом этаётганидан афсусдамиз. Биз Россия Федерациясининг Абхазия ва Жанубий Осетия суверенитети ва мустақиллигини тан олиш тўғрисидаги 2008 йил август ойида қабул қилинган қарори қайта кўриб чиқилмаслигини бир неча бор таъкидлаганмиз ва такрорлашга тайёрман".
Бу ҳақда Россия ташқи ишлар вазири ўринбосари Михаил Галузин "Известия"га берган интервьюсида маълум қилди.
"Аммо биз Грузия билан ўзаро манфаатли ҳамкорликни ҳар томонлама ривожлантиришни давом эттиришга тайёрмиз. Бунинг учун имкониятлар кўп. Грузия учун Россия кўплаб соҳаларда, хусусан, вино маҳсулотлари ва мевалар бўйича асосий бозор бўлиб қолмоқда. Бошқа томондан, Россия Грузияга энергия ва ғалла етказиб берувчи етакчи давлат ҳисобланади.
Россия томони сўнгги йилларда жуда муҳим қадамлар ташлади. Хусусан, Россия ва Грузия ўртасида тўғридан-тўғри ҳаво қатнови тикланди. Грузия фуқаролари учун визасиз кириш тикланди.
Дипломатик муносабатларга келсак, биз уларни тиклашга тайёрмиз. Биз Грузия томони боришга тайёрмиз. Бу ерда биз учун ҳеч қандай чекловлар йўқ" - деди у.
Қозоғистон Россия билан урушга тайёргарлик кўрмоқдами ёки бу шунчаки ички чорами?
Москва марказида кетма-кет портлашлар юз берди
Абдуқодир Ҳусанов нега майдонга тушмаётганлигига ойдинлик киритилди. Асл муаммо нимада?
