АҚШ 16 март куни Яманга қарши кенг кўламли ҳарбий ҳужумларни қайта бошлади, натижада камида 53 киши ҳалок бўлди. Бу ҳусийларнинг Қизил денгиз орқали ўтаётган Исроилга алоқадор кемаларга ҳужумларни давом эттириш билан таҳдид қилганидан кейин содир бўлди.
Яманнинг аксарият қисмини назорат қилаётган ҳусийлар 2023 йил ноябрь ойидан бери мамлакат қирғоқларида кемаларга 100 дан ортиқ ҳужум уюштирган. Улар бу ҳужумларни Ғазодаги фаластинликларга бирдамлик юзасидан амалга оширганликларини таъкидлашган.
АҚШнинг Project 44 компанияси маълумотларига кўра, ушбу ҳужумлар 2024 йилда Сувайш канали орқали ўтадиган транспорт оқимининг 75 фоизга қисқаришига олиб келди. Шунингдек, юк ташиш компаниялари узоқроқ муқобил йўналишларни танлашлари сабабли транзит вақти ўртача етти кундан 14 кунгача ошди.
Ҳусийлар январь ойида Исроил ва ҲАМАС ўртасида сулҳ келишуви имзоланганидан сўнг ҳужумларни тўхтатган эди. Бироқ, Исроил икки ойдан кейин ушбу сулҳни бузди.
Оқ уйнинг даъво қилишича, ҳусийларга қарши олиб борилаётган сўнгги кампаниянинг мақсади гўёки "терроризм билан курашиш ва халқаро савдони муҳофаза қилиш"дир.
АҚШнинг ҳужумлари натижасида Яманда юзлаб одамлар ҳалок бўлди. Жумладан, шу ойда Рас-Иса нефть терминалига уюштирилган ҳужумда камида 80 киши ҳаётдан кўз юмди.
Қозоғистон Россия билан урушга тайёргарлик кўрмоқдами ёки бу шунчаки ички чорами?
Москва марказида кетма-кет портлашлар юз берди
Абдуқодир Ҳусанов нега майдонга тушмаётганлигига ойдинлик киритилди. Асл муаммо нимада?
