Россия Ғарб давлатлари сиёсатчилари ва дипломатлари бўлган поезд яқинига атайин зарба берган

Россия дрони 13 сентябр куни Украинадан Полшага кетаётган поездга зарба берганди. Ҳужумга учраган поезд яқинида Полшага европалик сиёсатчи ва дипломатларни олиб кетаётган махсус поезд ҳам бўлган. Унда Буюк Британиянинг собиқ бош вазири Борис Жонсон ва Германия канцлерининг энг яқин маслаҳатчиларидан бири Гюнтер Заутер ҳам бор эди. Украина президенти Владимир Зеленскийнинг сўзларига кўра, Россия ушбу поездда “европалик ва америкаликлардан иборат катта делегация” борлигини жуда яхши билган. "Россия бу ҳужумни қасддан амалга оширган. Улар бундай ҳаракатларни Молдова, Руминия ва баъзан Полшада ҳам қилган. Бу давомли жараён. Улар шу тариқа кучини кўрсатади ва ҳеч ким бунга жавоб қайтармаслигини яхши тушунади", — деди Зеленский.