Дунёдаги энг йирик сунъий интеллект компаниялари раҳбарлари илғор моделларни ишлаб чиқиш суръатини вақтинча секинлаштириш зарурлиги ҳақида фикр билдирди. Бунга сунъий интеллект билан боғлиқ хавфлар, жумладан, тизимлар устидан назоратни йўқотиш эҳтимоли ҳақидаги огоҳлантиришлар кучайиб бораётгани сабаб бўлмоқда.
Anthropic раҳбари Дарио Амодеи ИИ ривожланиш суръатини пасайтириш ва хавфсизлик чораларини кучайтиришга чақирди. Унинг фикрини OpenAI раҳбари Сэм Альтман, Google DeepMind раҳбари Демис Хассабис ва xAI раҳбари Илон Маск ҳам қўллаб-қувватлади.
Бироқ гап фақат ривожланишни секинлаштириш ҳақида эмас. Амодеи моделларни мустақил баҳолаш тизимини кучайтириш, ягона хавфсизлик стандартларини ишлаб чиқиш ва давлатлар ўртасида ҳамкорликни йўлга қўйишни таклиф қилди. Альтман эса мустақил экспертларга OpenAI тизимларини ходимлар даражасида текшириш имкониятини беришга ваъда қилди.
Шу билан бирга, асосий саволлардан бири очиқ қолмоқда: ИИ яратаётган компанияларни ким назорат қилади? Танқидчиларнинг фикрича, йирик компаниялар хавфсизликни ошириш билан бир қаторда, қоидаларни белгилаш жараёнида назоратнинг катта қисмини ўзларида сақлаб қолишга ва давлат томонидан янада қатъий тартибга солишдан қочишга интилиши мумкин.
Айни пайтда ИИ соҳасидаги пойга тўхтагани йўқ. Компаниялар тобора кучлироқ моделларни ишлаб чиқаришда давом этмоқда, соҳага эса аллақачон юзлаб миллиард доллар маблағ йўналтирилган. АҚШ ва Хитой технологик етакчилик учун рақобатни давом эттирмоқда, йирик компанияларнинг бозор қиймати эса триллион долларлик кўрсаткичлар сари ҳаракатланмоқда.
"СИ шу ўн йиллик охирига келиб барчамизни ўлдириши мумкин"
АҚШ Эронда қулаган F-15E учувчиларини эвакуация қилиш операцияси кадрларини махфийликдан чиқарди
Бошланғич синф қизлари учун ҳижобни тақишни тақиқлаш таклиф қилинмоқда
