Россия Федерация Кенгаши НАТО раҳбарининг Эрон бўйича баёнотига жавоб берди

Россия Федерация Кенгаши Халқаро ишлар қўмитаси раиси Григорий Карасин НАТО раҳбариятининг Эрон ҳақидаги баёнотига муносабат билдирди.

Унинг айтишича, НАТО раҳбарияти коллектив мудофаа механизмларини қўллаш ва Эронга қарши куч ишлатишга тайёр экани ҳақида гапириб, очиқчасига кинояомуз позиция намойиш этмоқда.

Бу баёнот Марк Рюттенинг альянс Исроил ва АҚШнинг Эронга қарши ҳаракатларини қўллаб-қувватлаш учун куч ишлатишга тайёрлиги ҳақидаги сўзларига жавоб тариқасида янгради.

«Ғарбнинг очиқчасига кинояси яна намоён бўлди. Бу сафар НАТО раҳбарияти ўзининг “жасоратини” кўрсатди», — деб ёзди Карасин.

У шунингдек, Германия, Франция ва Буюк Британия Эронга қарши ҳужумларда иштирок этмаслигини маълум қилганини ва дипломатик музокараларга қайтишга чақирганини эслатди.

Карасин таъкидлашича, шу фон ортида Рютте «альянс ҳудудининг ҳар бир қаричини ҳимоя қилишга тайёрлик» ҳақида баёнот берган. Унинг сўзларига кўра, НАТО бош котиби бундай ҳаракатларнинг вақти ва шаклини очиқламаса-да, унинг агрессив ҳаракатларга қарши «бирдамлик» ҳақидаги баёноти эътиборлидир.