Россия чемпионатида мавсум якунланди. Легионерларимиз қандай натижа қайд этди?

Россия Премьер Лигасида мавсум якунига етди. 30-туридан кейин 67 очко тўплаган “Кроснадар” ўз тарихида илк бор чемпионга айланди.

Кейинги ўринни “Зенит” банд этди. Санк-Петербург клуби чемпион жамоадан бир очко кам тўплаб, иккинчи поғонадан жой олди. Аббосбек Файзуллаев тўп сурадиган “ЦСКА” эса мавсумни бронза медали билан якунлади. Москваликлар 30-турдан кейин 59 очко тўплаган ҳолда кучли учликка якун ясаган.

Ўзбекистон терма жамоаси ҳимоячиси Рустам Ашурматов тўп тепадиган “Рубин” мавсумни 7-ўринда якуналди. Шерзод Эсонов ҳаракат қиладиган “Акрон” жамоаси эса 9-поғонани эгаллади.

Жорий мавсум Россия чемпионатида Манфред Угалде энг яхши тўпурар совринига эга чиқди. “Спартак”нинг коста-рикалик ҳужумчиси 17 гол муаллифига айланди.

Ўзбекистонлик легионерлар эса қуйидагича статистика қайд этди:

Аббосбек Файзуллаев: 22 ўйин, 2 гол ва 4 ассист.
Рустам Ашурматов: 14 ўйин.
Шерзод Эсонов: 9 ўйин.