Россия АҚШ билан яна маҳбуслар алмашинуви масаласини кўриб чиқишга тайёр — Россия Ташқи ишлар вазири ўринбосари Сергей Рябков

"Бундай келишувлар Россия ва Қўшма Штатлар ўртасидаги муносабатларни яхшилашга ёрдам беради. АҚШнинг сайланган президенти Доналд Трамп маъмурияти учун бу қадам жуда муҳим", — дея таъкидлади Рябков.

Mash Telegram-каналига кўра, маҳбуслар алмашинуви 2025 йил февралида амалга оширилиши мумкин. Россия ТИВ рўйхатига Қўшма Штатларда жосуслик ва санкцияларни четлаб ўтиш схемаларини уюштиришда айбланган 70 киши киритилган. Вашингтон рўйхатига ҳарбий хизматчи Гордон Блек, АҚШ фуқароси Жозеф Татер, АҚШ ва Россия фуқароси Ксения Карелина киритилган.

Маълумот учун, жорий йилнинг 1 августида Анқарада Россия ва Ғарб давлатлари ўртасида аввалги маҳбуслар алмашинуви бўлиб ўтган эди. Унда Россия, АҚШ, Германия, Полша, Словения, Норвегия ва Беларус қамоқхоналарида сақланаётган 26 киши алмашилганди.