Роналду Тожикистонга бормайди

Саудия Арабистонининг “Ал-Наср” клуби ва Португалия терма жамоаси сардори Криштиану Роналду Душанбега келмайди. Бу ҳақда “Истиқлол” клуби матбуот хизмати хабар берди.

Футболчи Эроннинг “Персеполис” клуби билан ўйиндаги жароҳатидан ҳали фориғ бўлмагани учун ОЧЛ гуруҳ босқичи 6-туридан ўрин олган “Истиқлол” билан ўйинда иштирок этолмайди. “Ал-Наср” муддатидан аввал ОЧЛда кейинги босқич йўлланмасини нақд қилган, “Истиқлол”нинг эса аллақачон турнир билан хайрлашиши маълум бўлган.

Роналду охирги марта жамоасининг “Ал-Ҳилол” билан ўйинида майдонга тушди. Баҳсда Криштиану жамоадошлари 3:0 ҳисобида имкониятни бой берганди.

Маълумот учун, Осиё Чемпионлар лигасининг 6-туридан ўрин олган “Истиқлол”-“Ал-Наср” ўйин бугун, 5 декабрь куни Тошкент вақти билан 21:00 да бошланади.