Рекорд: Россия иқтисодиётида Путин президент бўлганидан бери бу содир бўлмаган

Россия фоиз ставкасини 21 фоизга оширди.

Россия Марказий банки ўзининг асосий фоиз ставкасини 21 фоизга оширди, бу Украинага ҳужуми натижасида инфляциянинг ўсиши билан курашиб, йигирма йил ичида содир бўлган энг юқори кўрсаткичдир.

Бу 2003 йилдан бери, яъни президент Владимир Путин бошқарувининг илк йилларидан бери кузатилган энг юқори кўрсаткичдир.

Бу, шунингдек, 2022 йилда уруш бошланиш вақтидагидан ҳам юқори, ўшанда Марказий банк Кремлнинг Украинага бостириб киришидан кейин Ғарб санкцияларига жавобан рубль курсини мустаҳкамлаш учун ставкаларни мисли кўрилмаган 20 фоизга оширган эди.

Банк инфляциянинг ўсишини биринчи навбатда давлат харажатларининг, айниқса, ҳарбий харажатларнинг катта ўсиши билан боғлади.

«Қўшимча фискал харажатлар ва 2024 йилда федерал буджет тақчиллигининг кенгайиши про-инфляция таъсирига эга», дейилади у баёнотда.