"Реал" "Олтин тўп" соҳиби билан шартнома имзолаши мумкин

"Манчестер Сити" ярим ҳимоячиси Родри сафга қайтди. Marca нашри тарқатган хабарга кўра 29 ёшли Родри "Реал" эътиборидан четда қолмаяпти ва Мадрид клуби келаётган йилда катта трансфер амалга ошириши мумкин.

Манбага кўра, "Реал" Родрининг амалдаги шартномаси 2027 йилнинг ярмигача мўлжалланганидан фойдаланиши мумкин. Агар келишув узайтирилмаса, 2026 йилнинг ёзида "Манчестер Сити" мавсумдан кейин футболчисини текинга йўқотмаслик учун Родрини сотиш имкониятини кўриб чиқишга мажбур бўлади.

Нуфузли Transfermarkt портали Родрини 75 миллион еврога баҳоламоқда.

Эслатиб ўтамиз, Родри 2024 йилда "Олтин тўп"ни қўлга киритган эди.