АҚШ Венесуэладан Россия, Хитой, Эрон ва Куба билан ҳамкорликни тўхтатишни талаб қилди

Трамп Венесуэладан нефт соҳасида АҚШ билан эксклюзив ҳамкорликни ва мамлакатдан Хитой, Россия, Эрон ҳамда Кубани чиқариб юборишни талаб қилмоқда, деб хабар берди ABC News.

Эндиликда Венесуэла ўз нефтини қазиб ололмайди, чунки уни жойлаштириш ва жўнатиш учун имкон йўқ. Танкерлар нефт билан тўлиб, жўнатилишини кутиб турибди.

ABC ёзишича, АҚШ Венесуэланинг ўтиш даври ҳукуматидан оғир нефть савдосида америкаликларга устуворлик берувчи эксклюзив энергетик ҳамкорликни қабул қилишни ҳам талаб қилмоқда. Унга кўра, 50 млн баррелга тенг нефть бозор нархида штатларга етказиб берилиши керак.

АҚШ иддаосича, нефть савдолари тикланмаса, Венесуэла яқин ҳафталарда жиддий молиявий қийинчиликларга дуч келади.

АҚШ Сенатида айтилишича, Вашингтоннинг блокадаси сабабли нефт ортилган танкерлар Венесуэла портларидан чиқа олмаяпти.