"Реал"нинг жароҳатдаги юлдузи "эл-класико"га тайёр бўлади

"Реал" Трент Александр-Арнольднинг кутилганидан эртароқ сафга қайтишига умид қилиши мумкин.

Madrid Universal нашрининг Фабрицио Романога таяниб хабар беришича, англиялик ўнг қанот ҳимоячиси тахминан икки ҳафтадан сўнг тикланишни якунлайди ва терма жамоалар ўйинлари учун танаффусдан сўнг қайтиши мумкин бўлади. Клубнинг мақсади Александр-Арнольдни 26 октябрь куни "Сантяго Бернабеу"да "Барселона"га қарши класикога тайёрлаш.

Аввалроқ, "Марсель"га қарши ўйинда жароҳат олган Трент 6-8 ҳафтани ўтказиб юбориши маълум бўлганди. Унинг рақобатчиси Дани Карвахаль ҳам сафдан чиққан.