"Эл-класико" арафасида Мадриднинг "Реал" клубида кадрлар масаласи анча яхшиланди. Ҳимоячилар Трент Александер-Арнольд, Даниэль Карвахаль ва Дин Хёйсен, шунингдек, ярим ҳимоячи Дани Себальос сафга қайтди, деб хабар бермоқда журналист Фабриуио Романо. Тўртталаси ҳам жароҳатидан фориғ бўлган ва якшанба куни "Сантьяго Бернабеу"да бўлиб ўтадиган "Барселона"га қарши баҳсда иштирок этишга тайёр.
Ла Лига чемпионлиги учун икки даъвогар ўртасидаги ўйин Тошкент вақти билан 20:15да бошланади. "Реал" 9 турдан кейин 24 очко билан Испания чемпионати турнир жадвалида пешқадамлик қилмоқда, "Барса" 22 очко билан 2-ўринда бормоқда.
