"Реал Мадрид"нинг собиқ бош мураббийи вафот этди

Бир қатор клублар, жумладан, Мадриднинг "Реал" клуби билан ишлаган нидерландиялик футбол мураббийи Лео Бенхаккер 82 ёшида вафот этди.

"Қаймоқранглилар" раҳбарияти содир бўлган воқеадан афсусда эканини билдириб, собиқ устозини "тарихий мураббий" деб атади.

Бенхаккер қўл остида "Реал" 1986-1989 йилларда уч марта Испания чемпионлигини ва 1 кубокни қўлга киритган. Бир неча йил ўтгач, у яна Мадридга қайтиб келди, аммо унинг иккинчи келиши янги муваффақиятларга олиб келмади.

Шунингдек, Бенхаккер "Аякс" ва "Фейеноорд" билан совринларни қўлга киритган ва 2006 йилда Тринидад ва Тобаго терма жамоасига тарихда биринчи марта жаҳон чемпионатига чиқишга ёрдам берган.