"Реал Мадрид" мавсум ўртасида Анчелоттини истеъфога чиқармоқчи эмас, аммо...

Карло Анчелотти ишдан бўшатиш хавфи остида бўлиши мумкин.

Чемпионлар лигаси умумий босқичининг 4-турида "Реал" "Милан"дан мағлуб бўлди (1:3). Ла Лигада Мадрид клуби 11 турдан кейин 24 очко жамғариб, иккинчи ўринда бормоқда.

Relevo хабарига кўра, мадридликлар мавсум ўртасида мураббийни ишдан бўшатишни истамаяпти, бироқ агар яқин орада жамоанинг натижалари яхшиланмаса, италиялик ўз ўрнини йўқотиши мумкинлигини истисно этмаяпти.

Клуб раҳбариятини турли позисияларда тўп тепаётган ва ўтган мавсумдагидек ёрқин намоён бўлмаган Жуд Беллингем билан боғлиқ вазият ташвишга солмоқда. "Реал" раҳбарлари Арда Гюлер ва Эндрик нима учун майдонда бунчалик кам вақт олаётганини тушунмайди.

9 ноябрь куни мадридликлар Ла Лиганинг 13-тури доирасида "Осасуна" билан учрашади.