Мадриднинг "Реал" клуби Англиянинг "Ливерпуль" клубининг ўнг қанот ҳимоячиси Трент Александер-Арнольдни 2025 йилги клублар ўртасидаги жаҳон чемпионати бошланишидан олдин жамоага қўшиб олмоқчи. Бу ҳақда Relevo хабар берди. Клублар ўртасидаги жаҳон чемпионати АҚШда 15 июндан 13 июлгача бўлиб ўтади.
Манбанинг хабарига кўра, "қаймоқлилар" "қизиллар" ҳимоячисининг трансферини июнь ойининг биринчи 10 куни давомида очиқ бўладиган трансфер ойнасида расмийлаштирмоқчи. Бу эса Испания клубига футболчини клублар ўртасидаги жаҳон чемпионатининг бошидан фойдаланиш имконини беради. Бу битимни амалга ошириш учун Мадрид клуби "Ливерпуль" билан музокаралар олиб бориши керак бўлади. Ҳимоячининг мерсисайдликлар билан шартномаси 30 июнгача амал қилади.
Жорий мавсумда Александер-Арнольд "Ливерпуль" сафида барча турнирларда 41 та ўйинда майдонга тушиб, 4 та гол урди ва 8 та голли узатмани амалга оширди. Transfermarkt интернет-порталида келтирилган маълумотларга кўра, 26 ёшли футболчининг бозор нархи 75 миллион еврони ташкил қилади.
"Манчестер Сити" қишда сотиб олган ҳимоячиси ёзда сотиб юборилиши мумкин
Испаниядаги фавқулодда ҳолат туфайли «Барселона» - «Интер» учрашуви бошқа вақтга кўчирилиши мумкин
«Манчестер Сити» собиқ футболчиси Абдуқодир Ҳусанов ҳақида илиқ фикр билдирди
