Бугун 5 апрель, 2025 йил, шанба

O'ZB

"Реал" Испания кубоги финалига йўл олди

"Реал" Испания кубоги финалига йўл олди

"Реал" Испания Кубоги 1/2 финал жавоб учрашувида "Реал Сосьедад" билан дуранг ўйнади - 4:4. Ўйин "Сантьяго Бернабеу" стадионида бўлиб ўтди.

Учрашувнинг 16-дақиқасида меҳмонлар ҳужумчиси Андер Барренечеа ҳисобни очди. Орадан унча кўп вақт ўтмай Винисиус Жуниор гол урди. Биринчи бўлим 1:1 ҳисобида дуранг билан якунланди.

72-дақиқада Давид Алабанинг автоголи эвазига меҳмонлар яна ҳисобда олдинга чиқиб олишди, кейин эса учинчи голни Микел Оярсабаль киритди. Мезбонлар 6 дақиқа ичида жавоб голларини уришга муваффақ бўлди - Жуд Беллингем ва Орельен Тчуамени ўз ҳисобига гол ёздириб қўйди. Қўшиб берилган дақиқаларда Оярсабаль дубль қайд этди ва "Реал Сосьедад" асосий вақтда 4:3 ҳисобида ғалаба қозонди, шунинг учун жамоалар яна 15 дақиқадан икки бўлим ўйнашди, чунки биринчи ўйинда Мадрид жамоаси 1:0 ҳисобида ғалаба қозонганди.

115-дақиқада мадридликлар ҳимоячиси Антонио Рюдигер қўшимча бўлимлар бошида захирадан майдонга тушиб, ҳисобни тенглаштирди. Икки ўйин натижасига кўра, Карло Анчелотти жамоаси Испания кубоги финалига йўл олди ва у ерда "Атлетико" - "Барселона" жуфтлиги ғолибига қарши баҳс олиб боради.

Киритилди: 09:12 02.04.2025. Ўқилди: 634 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!