"Реал" "эл-класико" олдидан икки футболчисини йўқотди

"Реал" жароҳатлар туфайли икки футболчисидан айрилди.

Мадридликлар Испания чемпионатининг 33-турида "Хетафе"ни мағлуб этди (1:0).

Танаффусда чап оёғида ноқулайлик сезган ҳимоячи Давид Алаба захирага олинди. Унинг ўрнига Эдуардо Камавинга майдонга тушди.

Француз деярли ўйин охиригача ўйнади, бироқ қўшиб берилган дақиқалар бошида у ҳам майдонни тарк этди. Эдуардо Луис Мильянинг қўполлиги туфайли жароҳат олди. "Реал"да ўзгариш қолмаганди, жамоа 10 киши бўлиб ўйинни якунлади.

26 апрель куни мадридликлар Испания кубоги финалида "Барселона" билан ўйнайди.