"Реал" дарвозабонининг кейинги манзили Туркия бўлиши мумкин

Мадриднинг "Реал" клубига тегишли бўлган украиналик дарвозабон Андрей Лунин клубини ўзгартириши мумкин. Бу ҳақда Sporx хабар бермоқда.

Манбага кўра, дарвозабонни Истанбулнинг "Галатасарой" клуби ўз сафига қўшиб олмоқчи. Туркия гранди Лунин номзодини келаси ёзда шартномаси якунланадиган Фернандо Муслерага ўринбосар сифатида кўриб чиқмоқда. Украиналик футболчи "Галатасарой" учун устувор вариант ҳисобланади.

Андрей "қироллик клуби" сафида 2018 йилдан буён тўп тепиб келмоқда. У 2030 йилгача мўлжалланган шартномага эга. Жорий мавсумда украиналик футболчи "қаймоқранглилар" сафида ўнта ўйинда майдонга тушди. Унинг бозор нархи 20 миллион еврони ташкил этади.