Разведка маълумотлари ва махфий қўнғироқ: Байден ва Путин ўртасидаги 2021 йилги мулоқот тафсилотлари

АҚШ собиқ президенти Жо Байден 2021 йилда Украинадаги эҳтимолий ҳарбий ҳаракатлар ҳақидаги разведка маълумотларидан хавотирга тушиб, Россия раҳбари Владимир Путинга қўнғироқ қилган.

Бу ҳақда Британиянинг "The Guardian" газетаси ёзмоқда.

Нашрнинг маълумотларига кўра, Америка разведкаси Оқ уйга Россия етакчиси ўзининг йиллик мурожаатномасидан ҳарбий қадамларни асослаш учун фойдаланиши мумкинлигини маълум қилган.

Маъруза Байденга чиқишдан бир ҳафта олдин тақдим этилган, шундан сўнг у телефон орқали мулоқот ташаббуси билан чиққан.

"У ўз хавотирларини билдирган, шунингдек, яқин ойларда саммит ўтказишни таклиф қилган", — дейилади материалда.