Долларнинг қадри пасайдими?

Халқаро валюта жамғармаси глобал захираларда доллар улушининг бироз камайганини, дунё валюталарига нисбатан қадри пасайганини маълум қилди.

Халқаро валюта жамғармасининг коммуникациялар бўйича директори Жули Козакнинг "РИА Новости"га билдиришича, 2010 йилларнинг ўрталаридан бошлаб халқаро захираларда доллар улушининг қисқариши кузатилмоқда.

Шунингдек, Козак жамғарма ҳисоб-китобларига таяниб, долларнинг халқаро валюта захираларидаги улуши 58-59 фоизни ташкил этишини қўшимча қилди ва долларнинг қадри 2024 йилдаги энг юқори кўрсаткичига нисбатан пасайганини қайд этди.