Беларус президентлигига собиқ номзод Николай Статкевич озодликка чиқарилди

"Наша Нива" нашрининг Статкевичнинг рафиқасига таяниб хабар беришича, сиёсий маҳбус қамоқда инсульт бўлиб қолгани сабабли озод қилинган. Собиқ номзоднинг рафиқаси Марина Адамовичнинг сўзларига кўра, инсультдан кейин Статкевичнинг нутқи бузилган.

Николай Статкевич 2021 йилда Беларусдаги оммавий норозилик намойишларидан сўнг "оммавий тартибсизликлар" уюштиришда айбланиб, 14 йилга озодликдан маҳрум қилинган эди.

2025 йил сентябрида Беларус президенти Лукашенко юздан ортиқ сиёсий маҳбусларни, жумладан, Статкевични афв этганди. Улар Беларус ҳудудини тарк этиб Литвага ўтиб кетиши керак бўлган. Аммо Статкевич бунга рози бўлмаган ва колонияга қайтарилган.