Бразилия 2026 йилги Жаҳон чемпионати саралаш ўйинида Колумбияни мағлуб этди (2:1). Ғалаба тўпини 90+9-дақиқада Виниусиус киритди. 101-дақиқада эса бош мураббий Доривал Жуниор "Реал" вингерини алмаштиришга қарор қилди. Виниусиус аллақачон битта сариқ карточка олган бўлиб, иккинчиси унга Аргентина билан ўйинни ўтказиб юборишига сабаб бўлиши мумкин эди.
Майдонни тарк этаётган Виниусиус шошилмасдан ҳаракат қилди. Шу пайт Рафинья унинг орқасидан енгил туртиб, чизиқ томон тезроқ юришини талаб қилди. Виниусиус бир неча қадам ташлагач, тўхтаб гедраларини тўғрилади. Шунда Рафинья унга қайтиб, баландроқ оҳангда тезроқ майдонни тарк этишини сўради, акс ҳолда ҳакам уни огоҳлантириши ва у Аргентина билан муҳим ўйинни ўтказиб юбориши мумкин эди.
"Мен дисквалификация ёқасида эдим. Саралаш ўйинлари доим қийин кечади, атиги иккита карточка етарли – битта қоида бузсанг, муаммога тушасан.
Мен ўзимга Аргентина билан ўйинни ўтказиб юборишга рухсат бера олмасдим" – деди ўйиндан сўнг Виниусиус.
Маълумот ўрнида, Бразилия Аргетинага қарши 26 март куни майдонга тушади. Мазкур беллашув Тошкент вақти билан 05:00 да старт олиши режалаштирилган эди.
Криштиану Роналду нима учун Жоржинага уйланмаётганлигини тушунтирди
Абдуқодир Ҳусановнинг нархи рекорд даражада кўтарилди
"Барселона" юлдузи Ламин Ямал ҳайратланарли маош олмоқда
