Қозоғистон Еврокубок финалига мезбонлик қилмоқчи!

Қозоғистон 2028 ва 2029 йилларда Конференциялар лигаси финалини ташкил этиш учун ариза топширди. Эҳтимолий ареналар сифатида Остона ва Олмаотадаги стадионлар кўрсатилган, аммо якуний аризада фақат битта майдон қолади. Бу ҳақда УEФА расмий сайти хабар бермоқда.

УЕФА 2028 ва 2029 йилларда Чемпионлар лигаси, Европа лигаси, Конференциялар лигаси ва аёллар ўртасидаги Чемпионлар лигаси финал ўйинларини ўтказиш истагида бўлган 15 та миллий федерациядан қизиқиш билдирганини таъкидлади.

Қозоғистондан ташқари, бу йилларда Конференциялар лигаси финалини қабул қилиш ҳуқуқига Франция (Лилль, "Пьер Моруа"), Венгрия (Будапешт, "Пушкаш Арена"), Италия (Турин, "Ювентус Стэдиум") ва Польша (Гданск, "Арена Гданск") даъвогарлик қилмоқда. 2029 йилги финал мезбонлиги учун Финляндия (Хельсинки, "Олимпийский стадион") ҳам ариза топширган.