Қочоқ ота Андижондан топилди

Мажбурий ижро бюроси Қорақалпоғистон Республикаси ва Андижон вилояти бошқармалари қидирув шўъбаси ходимлари томонидан ҳамкорликда олиб борилган тезкор-қидирув тадбирида қарздор М.С. Андижон вилоятида жойлашган тиббий анжомларни ишлаб чиқариш фаолияти билан шуғулланувчи жамиятда ишлаб юрганида топилди.

Фуқаролик ишлари бўйича Нукус туманлараро судининг 2024 йил 8 октябрдаги ижро ҳужжатига асосан ундирувчи Н.Л. фойдасига тарбиясидаги бир нафар фарзанди таъминоти учун қарздор М.С.нинг ҳар ойдаги жами даромадининг ¼ қисми миқдорида алимент ундириш белгиланган. Шунга қарамасдан қарздор томонидан алимент тўловлари 2024 йилнинг сентябрь ойидан буён тўланмаган. Ижро ҳужжати ижроси таъминлаш мақсадида қарздорнинг яшаш манзилига бир неча маротаба борилганида, ушбу манзилда йўқлиги аниқланган. Шу сабабли, Мажбурий ижро бюроси Нукус шаҳар бўлими давлат ижрочиси томонидан унга нисбатан қидирув эълон қилинди.

Мажбурий ижро бюроси Андижон вилояти бошқармаси қидирув шўъбаси ходимлари билан ҳамкорликда олиб борилган тезкор-қидирув тадбирида алимент тўлашдан қочиб юрган ота Андижон вилоятидан топилди. Шу куннинг ўзида қарздорга нисбатан маъмурий баённома расмийлаштирилиб, тўпланган ҳужжатлар жиноят ишлари бўйича Нукус шаҳар судига юборилди. Онлайн тарзда ўтказилган суд мажлисида унга нисбатан 15 сутка маъмурий қамоқ жазоси тайинланди.