Бугун 28 март, 2024 йил, пайшанба

O'ZB

Қайси касалликда ўрик истеъмол қилиш мумкин эмас?

Қайси касалликда ўрик истеъмол қилиш мумкин эмас?

Ўрик мевасининг янги узилгани ҳам, қуритилгани ҳам кўплаб фойдали моддаларни ўз ичига олади.

Аллергия, ошқозон яраси, гастрит, эндокрин тизими, буйрак ёки юрак касалликларига чалинганлар ўрик мевасини истеъмол қилишдан воз кечгани маъқул, дея фикр билдирди Gazeta.Ru нашрининг мақоласида "ИНВИТРО-Урал" терапевти Марина Константинова.

Унинг сўзларига кўра, ўрик фойдали мевалар турига киради, лекин уни меъёридан ортиқ истеъмол қилмаслик керак. Кунига 200-300 г истеъмол қилиш мақбулдир.

"Ўрик мевасининг янги узилгани ҳам, қуритилгани ҳам кўплаб фойдали моддаларни ўз ичига олади: B, С, Е, К витаминлари, никотин кислотаси, микроэлементлар (магний, кальций, калий, темир, йод, фосфор), органик кислоталар (лимон, қаҳрабо, олма кислоталари). Ўрик таркибида, шунингдек, глюкоза, сахароза, фруктоза, ошловчи моддалар, пектинлар, флавоноидлар ва бириктирувчи тўқималар бор”, — дея қўшимча қилди шифокор.

100 г ўрик танадаги калийнинг кунлик дозасининг 70% ни тўлдиради.

Шифокор маълумотларига кўра, ўрик ичак фаолиятини, қон айланиш тизимини яхшилашга, қон томирлари деворларини мустаҳкамлашга, умумий мустаҳкамловчи таъсирга эга ва антиоксидант ҳисобланади.

Аммо бу меванинг ортиқча истеъмол қилинмагани маъқул. Данагининг таркибида органик заҳар – цианид кислотаси манбаи бўлган амигдалин моддаси мавжуд. Кўп миқдорда истеъмол қилинганда, у заҳарланишга олиб келиши мумкин.

Мева данакларини истеъмол қилиш мумкин, аммо кам миқдорда. Фақат ошқозон-ичак касалликлари туфайли, шунингдек, болалар ва ҳомиладор аёлларга ўрик меваси данагини истеъмол қилмаслик тавсия этилади.

Киритилди: 23:33 06.06.2023. Ўқилди: 2909 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!