Қатар ва Миср Исроил ҳамда ҲАМАСга беш-етти йилга сулҳ тузишни таклиф қилди

Қатар ва Миср Исроил ҳамда ҲАМАСга беш-етти йилга сулҳ тузишни таклиф қилди. Бу ҳақда BBC News хабар берди.

Нашрининг юқори мартабали фаластинлик расмийга таяниб хабар беришича, Исроил ва ҲАМАС ўртасидаги музокараларда воситачилик қилаётган Қатар ва Миср вакиллари ўт очишни тўхтатиш бўйича янги келишув вариантини таклиф қилишди.

Манбанинг сўзларига кўра, таклиф беш йилдан этти йилгача давом этувчи сулҳни, Исроилнинг барча гаровга олинган фуқароларини фаластинлик маҳбусларга алмаштиришни, урушнинг расман тугатилишини ва Исроил ҳарбийларининг Ғазо секторидан тўлиқ чиқиб кетишини ўз ичига олади.

Музокараларнинг бориши билан таниш бўлган фаластинлик расмийга кўра, ҲАМАС Ғазо секторини бошқаришни “миллий ва минтақавий даражада келишилган” исталган фаластинлик ташкилотга топширишга тайёр. Исроил воситачилар таклиф қилган режага ҳозирча изоҳ бермаган.