Қатар бош вазири ва ташқи ишлар вазири Шайх Муҳаммад бин Абдулраҳмон бин Жассим Ол-Тани, Исроил Бош вазири Беньямин Нетаньяху Ғазода тинчлик ўрнатиш учун барча уринишларга путур етказаётганини айтди.
Al Jazeera телеканали хабар беришича, матбуот анжумани чоғида журналистлар саволларига жавоб берар экан, Ал Тани ўт очишни тўхтатиш бўйича музокара олиб бораётган мамлакатда музокарачиларни ўлдиришга уриниш ноқонуний бўлишидан ташқари, ахлоқсизлик ва хоинлик эканлигини таъкидлади.
"Бугун биз бутун минтақа бундай ваҳший хатти-ҳаракатларга қарши туриши керак бўлган бурилиш нуқтасига етдик”, деди у.
Ал Тани, шунингдек, Қатар Исроилга жавоб бериш ҳуқуқини сақлаб қолишини ва унинг суверенитетининг бузилишига тоқат қилмаслигини таъкидлади.
Аввалроқ Исроил мудофаа кучлари Доҳадаги Фаластиннинг ХАМАС ҳаракати олий раҳбарияти жойлашган бинога зарба берилганини тасдиқлаган эди. Расмий маълумотларга кўра, ҳужум “ҳаракат қароргоҳида маъмурий вазифаларни бажараётган беш киши”, шунингдек, Қатар хавфсизлик кучларининг бир ходими ҳалок бўлган.
Шерзодхон Қудратхўжа Лола Каримовага Ислом Каримовнинг хатоларини эслатди ва балога қолди
"Украина уч қисмга парчаланади..."
Америка Хитойдан зўр эмаслигини тан олди
