“Бу ҳақиқатдан ҳам Санкт-Петербург” – Беглов

Санкт-Петербург губернатори Александр Беглов Янги Тошкентдаги қурилаётган “Санкт-Петербург” кварталининг қурилиш майдонини бориб кўрди.

"Бу ҳақиқатдан ҳам Санкт-Петербург - таниқли, классик ва айни пайтда замонавий", деб таъкидлади Беглов, бўлажак квартал лойиҳасини кўздан кечириб.

Шунингдек губернатор Шавкат Мирзиёевга Янги Тошкентда квартал номини Санкт-Петербург шарафига аташ қарори учун миннатдорлик билдирди.

Янги квартал лойиҳасини ишлаб чиқишда Россия Шимолий пойтахти ҳукумати ҳам ёрдам берган. Улар лойиҳа ташкилотлари, архитектура бюролари ва қурилиш ташкилотлари раҳбарларидан иборат ишчи гуруҳ тузиб, бўлажак мавзе меъморий ечимларининг учта вариантини ишлаб чиқди.